Мисија

Last Updated on Friday, 28 January 2011 17:21 Written by Administrator Sunday, 16 May 2010 01:05

Синдикат на индустрија, енергетика и рударство на Македонија (СИЕР)

Изјава за мисија

Мисијата на СИЕР е да ја подобри социјално-економска состојба на работниците од индустријата, енергетиката и рударството и на нивните семејства; да обезбеди и гарантира достојни животни и работни услови за членството; да се залага за поголеми работнички права и да промовира и развива демократски синдикални принципи и солидарност меѓу синдикалните организации, како и помеѓу синдикалните организации од другите грански синдикати од индустријата и надвор од неа, со цел да се изгради правично и демократско општество за сите работници, во кое работниците ќе имаат активна улога во социјалниот дијалог во државата на сите нивоа.

Нашата мисија ја остваруваме преку преговарање за колективни договори со Владата и работодавачите и нивно спроведување на ниво на синдикални организации и на ниво на гранка; преку претставување и застапување на нашите членови, нивно заштитување од неправеден третман на работното место и обезбедување правна заштита; преку едукација на нашите лидери и членови за нивните права и за колективните договори; преку организирање на кампањи и солидарни акции и координирање на синдикални активности; преку учество во социјалниот дијалог; и преку соработување со меѓународни работнички организации.

Работата и активностите на СИЕР е заснована на верувањето дека на работниците им е потребен силен, модерен и демократски синдикат; дека едукацијата игра значајна улога во градењето силна организација и информирано членство; и дека синдикатите и колективното преговарање, односно ефикасен социјален дијалог со рамноправни социјални партнери, претставуваат значаен аспект на правичното и демократско општество. Нашите вредности се засновани на принципите на единство и солидарност, демократските принципи и контрола, и транспарентност и одговорност пред членството.

Read more...